विश्व पर्यटन दिवसका अवसरमा उद्योग,पर्यटन,वन तथा वातावरण मन्त्री माननीय जगदीशप्रसाद कुसियैतले दिनुभएको शुभकामना सन्देश
आदरणीय दाजुभाइ तथा दिदीबहिनीहरु,
आज सेप्टेम्बर २७ तारिख(असोज ११ गते) ४१ औँ विश्व पर्यटन दिवस ‘पर्यटन र ग्रामीण विकास’ भन्ने मूल नाराका साथ मनाइँदैछ । नेपालको लागि पनि यो नारा सान्दर्भिक मानिएको छ किनभने नेपालमा संघीयतामा आधारित राज्यव्यवस्था आइसकेको र प्रसस्तै ग्रामीण पर्यटनको संभावना पनि छ, । वास्तवमा ग्रामीण क्षेत्रका पर्यटकीय स्थल तथा अन्य पर्यटकीय आकर्षणको पहिचान,प्रोत्साहन,प्रवद्र्धन र प्रचार गर्न सकियो भने नेपाली पर्यटन उद्योग अझै माथि उक्सिने विश्वास गरिएको छ ।
नेपाल विदेशी पर्यटकहरुका लागि रोजाइको गन्तव्य हो एकातिर भने अर्कातिर आन्तरिक पर्यटन पनि हरेक वर्ष वृद्धि हुँदै आउनु सुखद कुरा हो । पर्यटन क्षेत्रले नेपालको अर्थतन्त्रमा बलियो टेवा दिँदै आएको छ । अद्वितीय प्राकृति, साहसिक खेल तथा यात्राहरुको उपयुक्तता,अग्ला हिमशिखरहरु,जैविक विविधता, जलसम्पदा,साँस्कृतिक तथा धार्मिक सम्पदा र तिनीहरुको विविधता भएको कारणले नेपालमा पर्यटकहरुको उपस्थिति उलेख्य भएको हो । यहाँ हरेक साल करिब १२ लाख विदेशी पर्यटकहरु आउने गरेको तथ्यांक छ । यस्ता सम्पदाको संरक्षण,प्रर्वद्धन र विविधिकरण गर्दै पर्यटकीय स्थलको रुपमा विकास गरी राष्ट्रिय अर्थतन्त्रको प्रमुख आधारको रुपमा यस पर्यटन क्षेत्रलाई विकास गर्ने नीति नेपाल सरकारले लिएको छ ।
“संमृद्घ नेपाल – सुखी नेपाली” को राष्ट्रिय दृष्टिकोण आत्मसात गरी, दिगो विकास लक्ष्य (सन् २०१६–२०३०) अघि सार्दै जनभावनासँग आवद्घ प्रदेश १ सरकारले विकास गरेको दीर्घकालीन सोच “स्वच्छ,सुखी र समुन्नत प्रदेश” लाई कार्यान्वयन गर्न महत्वपूर्ण खाका तयार गरेको छ । प्रदेश सरकारले उद्योग,पर्यटन वन तथा वातावरण क्षेत्रमा विकास र सुशासनलाई उच्च प्राथमिकतामा राखेको छ । मुलुकको कुल गार्हस्थ उत्पादनमा पर्यटन क्षेत्रको योगदान दुई दशमलव ०५ प्रतिशत रहेको छ । पर्यटन क्षेत्रको आयमध्ये आन्तरिक पर्यटन र अन्तर्राष्ट्रिय पर्यटनको योगदान क्रमश ः ५७ प्रतिशत र ४३ प्रतिशत रहेको छ । पर्यटनबाट हाम्रो प्रदेशको कुल गार्हस्थ उत्पादनमा एक दशमलव ९३ प्रतिशत योगदान रहेको छ । यस क्षेत्रमा करिव ३२ हजार जनाले रोजगार प्राप्त गरेको देखिन्छ । प्रदेशमा १३ वटा मुख्य पर्यापर्यटन गन्तव्य रहेका छन । नेपाल सरकारले पहिचान गरेका १०० वटा प्रमुख पर्यटकीय स्थलमध्ये १६ वटा यस प्रदेशमा पर्दछन् । यस प्रदेशका प्रत्येक जिल्लाको फरक पर्यटकीय पहिचान समेत रहेको छ । ‘पर्यटन क्षेत्रको दिगो विकास ः प्रदेश समृद्घिको आधार’ भन्ने प्रदेश सरकारको नारालाई सार्थकता दिन विभिन्न रणनीति र कार्यनीति तय गरिएको छ । पर्यटकीय गन्तव्यहरुको पहिचान र प्रवद्र्धन, पर्यटन सेवाको व्यवसायीकरण र स्तरोन्नति, पर्यटनको ब्रान्डिङ, एकीकृत पर्यटकीय विकास,भोजपुर– खोटाङ मन्धुम पदमार्ग र संघीय सरकार अनि अन्य प्रदेश सरकारसँगको सहकार्यमा प्रस्तावित ताप्लेजुङदेखि दार्चुलासम्मको हिमाली पदमार्ग निर्माणजस्ता नीति तथा कार्यक्रम प्रदेश १ सरकार उद्योग,पर्यटन,वन तथा वातावरण मन्त्रालयले तय गरेको छ ।
हाम्रो प्रदेशमा पर्यापर्यटन,पर्वतारोहण, भूस्वरुप तथा जैविक विविधतामा आधारित पर्यटनको थप संभावना भएकोले सोको पहिचान तथा प्रवद्र्धनमा ध्यान दिइएको छ ।
पर्यटन विकासको लागि निजी क्षेत्रको योगदान उल्लखनीय रहिआएको छ । यस प्रदेशलाई सार्थक सम्मुनत बनाउन निजी तथा सामुदायिक क्षेत्रसँग हातेमालो गरी पदयात्रा, जलयात्रा होटल,रिसोर्ट,बार,पार्टी प्यालेस आदिलाई गुणस्तरीय बनाउन आवश्यक देखिएकोले यी निकायहरुसँगका छलफलपछि पर्यटन ऐन,पर्यटन नियमावली जारी गरिसकेका छाँै ।
गत वर्षबाट विश्वभर फैलिएको कोभिड–१९ महामारीले पर्यटन क्षेत्रमा ठूलो क्षति पु¥याएको छ । यसै कारणबाट नेपाल भ्रमण वर्ष २०२० स्थगन गर्नुप¥यो । अबको पर्यटन विकासलाई कसरी बढावा दिने साथै नयॉ प्याकेजहरुको बारेमा सरोकारवालाहरुसँग परामर्श र सहकार्य गरी एउटा ठोस निर्णय गर्नुपर्ने व्यवस्थाको लागि म लागिपरेको छु । अझै पनि विश्वमहामारीको सामना गरिहनुपरेको यस घडीमा विश्व स्वास्थ्य संगठन र नेपाल सरकारले निर्धारण गरेका स्वास्थ्य आचारसंहिताको पूर्णतया पालना गर्न आग्रह गर्दछु । कोभिड– १९ बाट थलिएको पर्यटन क्षेत्र विस्तारै उक्सिने विश्वास एवम् उकास्ने पहल गर्दै विश्व पर्यटन दिवसको उपलक्ष्यमा सम्पूर्ण प्रदेशबासीहरुमा हार्दिक शुभकामना व्यक्त गर्दछु ।